ഗവൺമെന്റ് എച്ച്.എസ്സ്.എസ്സ്.കുലശേഖരമംഗലം
സ്കൂൾ സ്ഥാപിച്ചത് 01/06/1906 സ്ഥലത്തെ പ്രധാന കുടുംബാംഗങ്ങ ളായ ചാണിയിൽ വീട്ടുകാർ ഒരു രൂപയ്ക് സ്ഥലം നൽകി. ഹൈസ്ക്കൂളായി ഉയർത്തിയത് 1957 ൽ ആണ്. ഹയർ സെക്കൻന്ററി സ്കൂളാക്കിയത് 2000 ത്തിലാണ്.സ്കൂളും പരിസരവും കൂടി ആകെ വിസ്തീർണ്ണം 3 ഏക്കർ 40 സെൻറ്. പ്ര ശസ്ത സിനിമാ നടൻ ശ്രീ. ഭരത് മമ്മൂട്ടി ഈ സ്ക്കൂളിലെ പൂർവ്വ വിദ്യാർത്ഥിയാണ്. പ്രമുഖ നീന്തൽ താരം മുരളീധരനും ഇവിടുത്തെ പൂർവ്വവിദ്യാർത്ഥിയാണ്. 2005ൽ സ്കൂൾ ശതാബ്ദി ഒരു വർഷം നീണ്ടു നിന്ന പരിപാടികളോടെ ആഘോഷിച് 2006ൽ സമാപിച്ചു.
ചരിത്രം
കോട്ടയം താലൂക്കിന്റെ പടിഞ്ഞാറെ ഭാഗത്തു സ്ഥിതിചെയ്യുന്ന ഗ്രാമപഞ്ചായത്താണ് മറവൻതുരുത്തു ഗ്രാമപഞ്ചായത്ത്. മറവൻതുരുത്ത് പഞ്ചായത്തിലെ ഏക ഹയർസെക്കന്ററി വിദ്യാലയമാണ് കുലശേഖരമംഗലം ഗവ.ഹയർസെക്കന്ററി സ്കൂൾ. 1905 ലാണ് ഈ സ്കൂൾ നിലവിൽ വന്നത്. സാമൂഹ്യമായും സാമ്പത്തികമായും വളരെ പിന്നാക്കാവസ്ഥയിലുണ്ടായിരുന്ന ഈ പ്രദേശത്തെ, ഉയർന്ന തറവാടായിരുന്ന ചാണിയിൽ കുടുംബക്കാർ സ്കൂളിനാവശ്യമായ സ്ഥലം ഒരു രൂപയ്ക്കാണ് സർക്കാരിനു നൽകിയത്. സ്കൂളും പരിസരവും കൂടി ആകെ വിസ്തീർണ്ണം 3 ഏക്കർ 40 സെൻറ്. അന്ന് പഞ്ചായത്തിലെ സാമൂഹികാവസ്ഥ വളരെ മോശമായിരുന്നു. കർഷകത്തൊഴിലാളികളും മീൻപിടുത്തക്കാരും ധാരാളം അധിവസിച്ചിരുന്ന ഒരു പ്രദേശമായിരുന്നു മറവൻതുരുത്ത്. പരമ്പരാഗതത്തൊഴിലാളികൾ ധാരാളമുണ്ടായിരുന്നു ഇവിടെ. രാഷ്ട്രീയപ്രസഥാനങ്ങളും ഗ്രന്ഥശാലകളും പ്രവർത്തനം നടത്തിയിരുന്നു. .അന്ന് പ്രൈമറി സ്കൂൾ മാത്രമായിരുന്നു ഉണ്ടായിരുന്നത്. പിന്നീട് 1957 ൽ ഹൈസ്കൂളായും 2000 ൽ ഹയർസെക്കന്ററി സ്കൂളായും ഉയർത്തപ്പെട്ടു. ഹൈസ്കൂൾ ആയതിനുശേഷമുളള ആദ്യവർഷങ്ങളിൽ ഇവിടെ ഇംഗ്ലീഷ് മീഡിയം ക്ലാസ്സുകൾ പ്രവർത്തിച്ചിരുന്നു. 1970-1980 ന്റെ പകുതിയിലായപ്പോൾ മറ്റു സ്ഥലങ്ങളിൽ ഇംഗ്ലീഷ് മീഡിയംസ്കൂൾ ആരംഭിച്ചപ്പോൾ ഇവിടത്തെ ഇംഗ്ലീഷ് മീഡിയം അവസാനിച്ചു. അന്ന് മറവൻതുരുത്ത് പഞ്ചായത്തിനു പുറമേ ചെമ്പ്, വെള്ളൂർ, ഉദയനാപുരം എന്നീ പഞ്ചായത്തുകളിൽനിന്നുളള കുട്ടികളും ഇവിടെ പഠനത്തിനു ചേർന്നിരുന്നു. 3000 കുട്ടികൾ വരെ പഠിച്ചിരുന്ന ഒരു കാലഘട്ടം ഇവിടെ ഉണ്ടായിരുന്നു. സ്കൂളിന്റെ പഴയ കെട്ടിടം പൊളിച്ചതിനെത്തുടർന്ന സ്കൂളിന്റെ തെക്കുഭാഗത്തുളള കണ്ണംകേരിലേയ്ക്കു അധ്യയനം മാറ്റിയിരുന്നു. 1964 ൽ ഇവിടത്തെ പ്രൈമറി വിഭാഗം ഇവിടെ നിന്നും മാറ്റി തെക്കുഭാഗത്തേയ്ക്കു മാറ്റി കുലശേഖരമംഗലം ഗവ.എൽ.പി.സ്കൂളാക്കുകയും ചെയ്തു. ഒരുകാലത്ത് ഈ നാടിന്റെ ആശാകേന്ദ്രമായിരുന്ന ഈ സ്കൂളിൽ നിന്നും പഠിച്ചിറങ്ങിയ പ്രഗത്ഭൻമാർ അനവധിയാണ്. ഭരത് മമ്മൂട്ടി, ഇൻഡോഅമേരിക്കൻ ആശുപത്രി ഉടമ ഡോ.എൻ. ബാഹുലേയൻ, നീന്തൽതാരം മുരളീധരൻ, മജിസ്ട്രേട്ട് രഘുവരൻ,കെൽ ഡയറക്ടർ രാജേന്ദ്രപ്രസാദ് എന്നിവർ ഇവിടുത്തെ പൂർവ്വ വിദ്യാർഥികളായിരുന്നു.
ഭൗതികസൗകര്യങ്ങൾ
അതിവിശാലമായ കളിസ്ഥലം വിദ്യാലയത്തിനുണ്ട്. കുട്ടികളുടെ യാത്രാസൗകര്യങ്ങൾക്കായി ജില്ലാ പഞ്ചായത്ത് അനുവദിച്ച സ്കൂൾ ബസ് ഉണ്ട്. അപ്പർ പ്രൈമറി, ഹൈസ്കൂൾ വിഭാഗങ്ങൾക്കായി ഫിസിക്സ്, കെമിസ്ട്രി, ബയോളജി വിഭാഗങ്ങളിൽ ലാബ് പ്രവർത്തിക്കുന്നു. ഡിജിറ്റലൈസ്‌ഡ് ലൈബ്രറി ഈ വിദ്യാലയത്തിനുണ്ട്. ഐ.ടി.@സ്കൂൾ, ജില്ലാപഞ്ചായത്ത്, എം.എൽ.എ. ഫണ്ട് എന്നിവിടങ്ങളിൽ നിന്നായി അനുവദിച്ച 5 ഇന്ററാക്ടീവ് ക്ലാസ്സ് റൂമുകൾ ഇവിടെയുണ്ട്. 6 ക്ലാസ്സ് മുറികളിൽ എൽ.സി.ഡി. പ്രൊജക്‌ടർ, സ്‌മാർട്ട് ബോർഡ്, ഇന്റർനെറ്റ് കണക്‌ഷൻ ഇവയെല്ലാം ഉപയോഗിച്ച് ക്ലാസ്സ്റൂം പ്രവർത്തനം
No comments:
Post a Comment